Ի՞նչ են պլանավորված գործարքները
Ինքնաշխատ, այսինքն՝ պլանավորված գործարքները թույլ են տալիս ձեր իսկ ընտրած ամսաթվին և պարբերականությամբ ինքնաշխատ ստեղծել կրկնվող բանկային գործարքներ։
Այդպիսի կրկնվող գործարքները շատ են անձնական և ընտանեկան հաշվառման մեջ՝ էլեկտրաէներգիայի, ջրի կամ հեռախոսի բաժանորդագրություններ, հոսքային տեսածառայություններ, աշխատավարձեր, ամսական մասնաբաժիններով վճարվող հարկեր, ուսումնական վճարներ, վարկեր, վարձավճարներ և այլն։
Պլանավորված գործարքները կարող եք օգտագործել նաև խնայողության կամ պահուստավորման համար՝ ամեն ամիս կամ ամեն եռամսյակ ինքնաշխատ ստեղծելով պահուստային և խնայողական տողեր և այդպես կանխատեսելով ապագա ծախսերը, որոնց պահուստներն ամիս առ ամիս կուտակվում են։
Որո՞նք են պլանավորված գործարքների առավելությունները
Ինքնաշխատ կրկնվող գործարքները թույլ են տալիս հեշտությամբ և ինքնաշխատ հաշվարկել ապրուստի մնացորդը։ Ապրուստի մնացորդն այն գումարն է, որը ձեզ մնում է ամսվա սկզբին՝ ամենօրյա և այլ ծախսերի համար, երբ ամսվա բոլոր ինքնաշխատ գործարքներն արդեն կատարված են։
Այս առավելությունից լավագույնս օգտվելու համար ցանկալի է պլանավորված գործարքները նշանակել ամսվա 1-ին՝ անկախ ուղղակի դեբետի կամ վճարման իրական ամսաթվից։ Այդ ինքնաշխատ գործարքները պետք է նույն ամսաթվին ներառեն նաև միջոցների մուտքերը՝ աշխատավարձերը և վարձակալական եկամուտները։
Այս եղանակով դուք ամսվա առաջին իսկ օրվանից գիտեք ձեր ճշգրիտ ապրուստի մնացորդը՝ մինչև վերջին դրամը։
Այս հաշվարկը կարող եք ավելի կատարելագործել՝ պահուստավորման եղանակով ապրուստի մնացորդից բացառելով ապագա խոշոր ծախսերը՝ վերանորոգում, արձակուրդ, խնայողություն և այլն։
Ինչպե՞ս ստեղծել պլանավորված գործարքներ
Պլանավորված գործարքներ ստեղծելու համար դիտեք մեր օգնության էջը՝ Ինչպես պլանավորել ամսական / շաբաթական գործարքներ։